短炒如賭博, 難玩過長線投資!

這裡不是分享短炒心得, 講真我本人的短炒成績真係唔見得人。再者, 現在也甚少短炒了。
這裡主要分享看別人短抄後得到的啓發。

早幾日見慧悅網站有免費英Sir既7天訂閱, 緊係即刻去訂閱啦。不過對於短炒已無期望也興趣不大的我, 加上媽媽身體有事Call白車入院, 所以都忘記每日緊貼收聽。不知不覺計埋今朝, 股市連彈3日急升1500點, 突然醒起關於英Sir的訂閱, 記得早前佢對於港股看法仍是向淡心死, 我就二話不說去聽返佢最近的看法會唔會有改變。 結果一口氣聽返佢星期二三四及今朝的短炒提示, 驚訝地發現佢既期指、call/put短倉幾乎全部中招! 哇, 英Sir連續幾日看錯方向被挾。 可能真係短炒如賭博, 難玩過長線投資! 印象中英Sir係一個善長選股長線投資的基金經理及比靠較可靠的股評人。而早兩個月開始港股被中國的"國進民退"政策打擊, 灰心的他除了大量減持港股, 也明言短期內若真的要對港股有的新投資那麼只宜用期指、Call / Put短倉。 老實講, 自我開始留意英Sir後, 見佢短炒成綪其實不算好。 其實英Sir自己也一直在不同的場合明言, 要靠投資逹成財富增值發達的, 只能是長線投資 。 看到強如英Sir他自己"被逼"打短炒的操作成績後, 更加深係我心中的想法: 必需克服人性中, 長線投資中初見利潤而急忙短期獲利, 因為這樣其實就算是短炒的操作了, 按這樣操作長久下去勝算一定偏低。